ബെംഗളൂരു : ബെംഗളൂരുവിലെ സിഎസ്ഐആർ-നാഷണൽ എയ്‌റോസ്‌പേസ് ലബോറട്ടറീസ് (എൻഎഎൽ) രൂപകൽപന ചെയ്ത് വികസിപ്പിച്ചെടുത്ത ഇന്ത്യയുടെ തദ്ദേശീയ പരിശീലന വിമാനം ഹൻസ ന്യൂ ജനറേഷൻ (ഹൻസ-എൻജി) ഫെബ്രുവരി 19 നും മാർച്ച് 5 നും ഇടയിൽ പുതുച്ചേരിയിൽ സമുദ്രനിരപ്പിൽ പരീക്ഷണം വിജയകരമായി പൂർത്തിയാക്കി.
സമുദ്രനിരപ്പ് പരീക്ഷണത്തിന്റെ എല്ലാ ലക്ഷ്യങ്ങളും പൂർത്തീകരിച്ചതായും പുതുച്ചേരിയിൽ 18 മണിക്കൂർ പറത്തി വിമാനം ശനിയാഴ്ച ബെംഗളൂരുവിലേക്ക് തിരിച്ചയച്ചതായും എൻഎഎൽ പ്രസ്താവനയിൽ പറഞ്ഞു. എയർക്രാഫ്റ്റ് ആൻഡ് സിസ്റ്റംസ് ട്രെയിനിംഗ് എസ്റ്റാബ്ലിഷ്‌മെന്റിന്റെ (എഎസ്‌ടിഇ) വിംഗ് കമാൻഡർ കെ വി പ്രകാശും വിംഗ് കമാൻഡർ ദിലീപ് റെഡ്ഡിയുമാണ് വിമാനം പൈലറ്റ് ചെയ്തത്. എൻഎഎൽ ഡിസൈനർമാരും വിങ് കമാൻഡർ റീജു ചക്രവർത്തിയും ടെലിമെട്രിയിൽ നിന്ന് ഫ്ലൈറ്റ് ടെസ്റ്റ് ഡയറക്ടറായി വിമാനം നിരീക്ഷിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
